“Tur nei thingkung tidai tawih lo ding”
Chin Politician pawl ih 2010 Election thucah
B.A (Thang), Salai
<<<Burmese Version Published 29.10.2010 at 18:30pm (CET)
Leitlun pum huap ihsi rak thlir tu le ramsung ramleng ihsi Kawlram mi tam sawn pawlin Burma ralkap cozah ih tuah ding mi 2010 election cu bangrannak um mi hril awk nak a silo ding thu an sim cio hai. An hman ding mi danrhampi ra suah nak a si mi National Convention khalah tlangparmi hriamhrei keng dothlengnak tuahtu pawl le political party pawlin lamzin a phunphun thawn ausuah pi in an dil rero ko nan ngaihsak an hlawh lo.
Cui danhrampi cu mipi pawlih au-aw, tulsam mi pawl langter dingih ngan mi a si lo, nemhnget mi khal a si lo. An ngan rero lai khalah sim ve theih loh, rel ve theih loh mi danhrampi a si. Tui hnu ni reilote ih an tuah thlang ding mi election ihsin Burma ralkap cozah cun an mai ngan mi Nargis danhrampi cu nung ter in, ralkap lalnak nunram an sau ter thlang ding a si.
Cuti va si khal sehla Burma ralkap cozah ih tuah ding mi electon ih lut ve ding a timtuah aw rero tu Politician pawl, Party pawl khal cu an um ve. Cuti a si ruangah hi hirl awk nakih a tel tu ding ramsung ih Chinmi hotu pawlin hi hril awk nak parih an ruah dan le hmuh dan pawl rak sut in Chin mipi pawl theih ter dingah Chin World cun kan rak suah dah zo a si.
Ralkap cozah in a tuah ding mi 2010 hril awk nak hi mipi pawl karlak ah siseh, political pawlkom le hotu pawl karlak ah siseh zum dan le ngaihdan pawl bangaw lo culci ih a um mi khal zate theih a si. Cuti asi ruangah 2010 election teltu ding hotu pawlih hmuhdan lawng siloin hi hril awk nak pompi lo ih dokalhtu Chinmi hotu pawlih hmuhdan le ngaihdan pawl khal mipi ih theih a tha tiah zum a si vekin Union of Burma ih Political zuam awk nak tualrawn parah ramsung ramleng ihsin cangvaih nak a phunphun ih rak teltu le hohatu Chinmi hotu mihlun (7) pawl cu thu rak sut in kum 2010 election parih an hmuh dan, an ruah dan pawl mipi theih ter ding hmuitin nak thawn Chin World ihsin kan run tarlang a si.
CHIN WORLD in kan suh mi Chinmi hotu pawl cu – Pu Cin Sian Thang (MP), Pu Thawng Kho Thang (MP), Pu Lian Uk (MP), Dr.Za Hlei Thang(MP), Salai Kipp Kho Lian, Pu Nang Lian Thang & Mai Cheery Zahau pawl tla an si.
Hi rinsan mi hotu pawl thusuhnak siar nak ihsin fiang theilo ih a um tu mipi pawl khalin pakhatkhat theih fiang nak neiin thinlung thutluknak pawl tla nan tuah thei ding tiah zumnak kan nei.
A hnuai ah Chinmi hotu pakhat ciar ih sim mi bulpak teten pdf file thawn tarlang a si. Na siar duh mi hmin parah click aw ...
Dr.Za Hlei Thang (MP, 1990 - CNLD)
Pu Cin Sian Thang (MP, 1990 - ZNC)
Pu Thawng Kho Thang MP, 1990 - UNLD)
Pu Lian Uk (MP, 1990 - independent)
Pu Nang Lian Thang ( CNC Japan - Chairman)
Salai Kipp Kho Lian ( Chin Forum ih Co-ordinator le www.vansangva.com tawlreltu)
Mai Cheery Zahau ( Chin Human rights activist )
