|
The Chin fashion Model ...
Published: 19.5.2010: 13:00pm (CET) Ngun Dawi Zing
 CW: :Na thuhla tawi famkim in sim thei pei maw?. Na hmin, na suahnak khua, na nu le pa hmin le na unau pawl.
NDZ: :Ka hmin cu Ngun Dawi Zing a si (Doite or Doiku tiah in ko theu). Ka suahnak khua hi Hakha (Khuathar) ah a si. Ka Pa Za Cung ka Nu Sui Cuai a si. Unau suahpi panga kan si, nunau pathum le mipa pahnih, kei hi nautabik ka si.
CW: :Na fimthiam zirnak lam teh?
NDZ: :Geology Major in degree ka hgah hnu le a dangdang ka zir bet hnu ah a tu cu hna ka tuan.
CW: :A tu na umnak le na hnatuan mi ?
NDZ: :A tu cu San Yeik Nyeing, Yangon ah ka um. Ka hnatuannak cu Amadeus Company timi a si i Computer Software, Airline nih an hman mi GDS System ah si. Cu nah Training Representative, System kai tu in ka tuan.
CW: :Ziangtik ihsin kan Laithuam thilri na rak ngaina thok, ziangruang bikah na rak uar?
NDZ: :Lai thil hi Phunsang tlawng (University) ka kai in ka rak hruk thok. Ka thinlung ah laimi ka si ih lai thuam thilri ka hruk thei mi hi ka uar nak bik cu a si ko.
CW: :Kawl pawl lakah teh laithuam na hruk dah maw.., ziangtik can ah na hruk theu?
NDZ: :Ka hruh phah rero ko. University ka kai lai khalah laithuam te rori thawn ka kai can a tampi. Zarhpini le thildang puai tivek ah khal ka hruk theu. Thildang hnakin kan Lai thil hi ka uar deuh ruagah khal a si vekin miin kan Lai thuamthil a mawinak hi hmu ve hai seh, himi hi kan miphun identity pakhat asi ruangah ka hruk nak khal a si.
CW: :Chin numi (fala) pakhat hrangah ziangmi a poimawh bik tiah na ruat?
NDZ: :Chin nunau hrekkhat thinlung ah mai miphun hnakin miphun dang san man deuh upat hleice nak, uar deuh nak neih a si mi hi a poi mi a si tiah ka hmu. Hlan kan pipu san lai ihsi kan rak neih mi dingfelnak, rinumnak, kan thinlung that nak hmuahhmuah thawn mai miphun ngaihsan ding hi chin numi hrangih poimawh bik a si tiah ka ruat.
CW: :Lai rawl ah ziangmi na duh bik?
NDZ: :Lai rawl cu ka uar thluh ko. Sinan, buh-ber sihmui phulh mi le vainim note anhnah thawn suan mi tisawp ka duh bik.
 CW: :Zingtik canah na thinheng bik ih ziangtik canah na lungawi bik theu?
NDZ: :Ka duh lo mi thil ka ton canah ka thinheng theu (ka thintawi phah ih si men thei hehe..) ih, Chin mi kan lung a rual tuk, kan duhdaw aw tuk ti ka hmuh can ah ka lungawi bik. Ziangah tile kan nih cu sul khat kual, innsungsang pakhat vek kan si.
CW: :Kan laithuam kilkhawi thansoter nak hrangah ziangmi kan tuah a tul tiah na ruat?
NDZ: :Kan thilthuam international level si ding ah hin a poimawh bik pakhat cu kan ram ah ramdang mi an rak luh thei lo mi hi a si. Hmansehla kan tuah a tul mi cu zo poh nih kan thilthuam hi kan uar hmasa bik i san thawn a kaih mi kan umnak hmun poh ah, hruk duhnak thinlung neih kan tul, san thawn mil aw in ka ti tikah a Original khal thlauthlak lo ding a tul. Hakha ahcun Cultural day tivekt tla tuah theu a si ih, himi hi thil tha pakhat a si. Ramkip ah Chin National Day ni ah kan thilthuam sun sak zetih hruk nak khal hi thil tul mi a si.
 CW: :Mi tampi nih na mitmeng a mawi tuk an lo ti, nangmah in teh ziangtin na sim duh?
NDZ: :A mitmeng mawi tuk in rak ti tu pawl hnen ah lungawi thu Chinworld nih in rak sim sak uh la..
CW: :Chin miphun na si ruangih na uar awk nak bik pakhat...?
NDZ: :Zumtu kan si ruangah Khrihfa miphun tiah mi tampi nih in ko mi hi a si. Cun Chin miphun cu Vapual lungthin bangin an rin um, an tluangtlam tuk in timi te hi ka uar aw bik. Kan nun pi cih ding mi thil khal a si.
CW: :Kan Laihla ah zo ih sak mi na ngai tam bik?
NDZ: :Kan laihla ah Far Men Par sak mi ka ngai tam bik. Pari hi a aw ka uar lawng si lo in camping ti vek ah hin kan sawm ringring theu ih Pathian tihzah mi nu a siin ka hmu, a nun dan ka duh bik. A dang cu kan um lem lo i, ka theih hai lo ruangah Far Men Par hi ka uar bik ko.
 CW: :Ziangvek mipa khi na uar zawng an si?
NDZ: :Pathian a tihzah i miphun duhdawtnak a nei tu Lai pasaltha cu uar an um rori ko e hehee.
CW: :Ziangmi nih na mitthli a lo ti tla tam ter bik?
NDZ: :Ka mitthli tlak can hi a tam ve zet, ka ttah ben phah i heheee (ca po).
Pakhatnak ah Thlarau hlo ruah ah mitthli tlak lo khal a theih lo. Cun ngak-tah nu le pa nei lo mi ka hmuh tik ah ka mitthli a tla theu. Ka nu le ka pa in in duhdawtnak ruangih ka nom tuk mi vek nom nak an hmuh thei ve lo ruangah ka zaang an fak tuk.
CW: :Darling na nei zo maw? or Nupi dingih hamtu asilo le duh mi teh na nei zo maw..?
NDZ: :Darling ka nei hrih lo. Hamtu khal ka nei hrih lo. Duh mi khal ka nei hrih lo .. nan thusuhnak cu ka ning ka zak phah nawn ee hehee...Ka nei lai ding …
 CW: :Hmailam can ah ziangmi tuah ding tumtahnak na nei …?
NDZ: :Minung dan in hmailam tikcucan tumtahnak cu ka nei. Asinan "My future is in God hand" tiin ka lo let mai ding aw...
CW: :Ramsung ramleng um Chin mi pawl hnenah cah duh mi na nei asile …
NDZ: :Ramsung ramleng ih um ka rualpi unau Chin miphun hnenih ka cah duh mi cu kan umnak hmun cio in kan tuah mi poh hi a hmaisa ah Bawipai sunlawinak hrangah tuah zuam cio uh si. Kan lungthin Vapual nun a si mi rinumnak le zumtlak kan sinak hi hlo ter hram hlah uhsi. Fimthiam zir a duh nan a zir thei lo mi dinhmun ih a ding tu lakah umnak hmunhma in a pek a si ahcun ziang thil hmanih dawn kham ter loin fimthiamnak zir hi duhsak hram uh si. Kan ram in a tul ti ruahsannak thawn.
 CW: :Chinworld.info hi teh na rak lenglut dah maw, ziangtin na hmu..?
NDZ: :Chinworld.info hi ka siar ringring. Pathian thangthatnak hla thatha khal ka rak ngai theu. Ka ruah mi cu an men lo an idea a tha tuk ka rak ti rero. Chin mi hrangah media tumpi in a rak ding mi ka hmuh tikah ka lungawi zet vekin midang a siar tu pawl khalin an lungawi tuk ve cio ko ding tiah ka zum.
CW: :A lo contact duhtu pawl hrangah na address na pe siang kem …?
NDZ: :In contact duhtu hrangih ol bik cu email hi a si ruangah zcdawi@gmail.com ah hin contact tuah theih ka si ko.
CW: :Man lo zet cing ten hizat tikcucan in pek thei ruangah kan lungawi zet a si.
NDZ: :Kei khal Chinworld team in can pek in thusuhnak in tuah mi parah lungawinak tampi ka nei.
Chinworld Team. | 