INTERVIEW WITH Lal Biak Hnem
B.A(Thang),Salai
<<< pdf version Published: 13.12.2010 at 19:0 (CET)
Chin World ca siar tu lam in Chin World hnen ah hlasak thiam Lal Biak Hnem interview tuah sak ding in dil nak ca tete pawl kan dawng phah theu. Rual le pi pawl thawn biak awk tik ah tla interview ding in tha in pek nasa ih Chin World Hmin in Mai Lal Biak Hnem cu hmaiton thusut nak kan rak nei a si.
CW: :Na nu leh pa hmin leh na suahnak khua in sim thei pei maw?
LBH: :ka nu cu Za Neih Thang a si ih, Ka pa cu Sa Tin Kap a si. Ka suahnak khua cu Falam a si.
CW: :ZTC ah hna na tuan rero tiah kan thei. Ziangmi position thawn hna na tuan rero? Ziang tik kum ihsin na tuan thok?
LBH: :Aw si ko. Tlawngta caa zirhtu, Bible tlawngsaya ka tuan . 2007 in ka thuan thok.
CW: :Kum ziat na ti hrawng ihsin hla na rak sak thok? Na nauhak lai thu mel lai in sim thei pei maw?
LBH: :Hla cu nauhak phunthum li ka si in innsungah guiter thiam sun mi te thawn ka sak theu. Mipi hmai le biakinn ti vekah cu phunriat phunkua ka si in ka sak thok.
CW: :Music thiam pakhat si ding ih lo zirh tu na saza hi zo a si?
LBH: :Music thiam ti cu ka si lo. Nauhak lai in ka hmuh ka ton mi le ka ngai, ka theih mi hla pawl hi ka saya an rak si thok. Upat hnu, B.Th ka kai lai ih ka vocal saya hi S. Hlawn Hmung (a tu MMC) a si ih, composition (a hleice in church choir phuah daan) lam ih ka saya cu G. Biak Nawl (HBC) a si.
CW: :Hla sak thiam (singer) pakhat si dingah zo pawl in tha an lo pek?
LBH: :Tha i pek bik tu cu ka nu le ka pa an si. Cu le duhsaknak thawn i kaihruai tu an zaten in bawm tu an si ko.
CW: :Tuni tiang hla album paziat ah na tel zo. Cumi album hmin pawl le a suah kum in sim thei pei maw?
LBH: :Cu tin cu ka cing felfai thei lo ee, Hakha hla in tape pahnih le CD pakhat ah ka tel ih, Falam hla thawn cu panga ruk lai a si hmang.
CW: :Hmailam ah teh CD suah ding tumtah mi hla album a um maw?
LBH: :Cu mi cu ka tumtah ringring mi a si ko. A tu ka tuah rero lai mi tla a um. Pastor Mang Hup Luai nih in tawlrel sak mi a si ih, a title ah “Aan kaa thlum zaihla” ti mi a si. Hla fing 12 a um, keimai phuah mi hla lawngte an si. Asak tu ah keimah le Pastor Benjamin Van Thawng Nei Lian kan si. January lole Febuary, 2011 ah CD in cu a suak thei ding ka beisei.
CW: :Pathian hla (Gospel Song) lawng na rak sak si pei cu ti? Love Song teh na sak dah maw?
LBH: :Pathian hla titik ah, biaknak hla si pei cu ti? Asi lo lovesong tla ka sak ko. Hakha hla pakhat ka sak mi cu lovesong in a si. Ziangvek hla poh hi sak ding si ko ka ti.
CW: :Atu ZTC ah music lam na zirh tin kan thei ih na zirh mi subjects pawl in sim thei pei maw?
LBH: :Churh music ka rak zir dah mi tete pawl, a cang thei tawk in nau le pawl ka sim fang khi a si ko. Notations sak thiam le zohthiam ding duhsak bik ih zirh mi pawl an si.
CW: :Hla tla na phuah phah tin ka thei ih, paziat na rak phuah thei zo?
LBH: :Si, ka phuah phahphah ve. Biaknak lam hla sawmnga ruk hrawng ka phuah zo.
CW: :Na hla sak mi pawl sungah na uar bik mi hla in sim thei pei maw?
LBH: :Ka sak laiah ka uar theh ih sim ding ka thei ve lo. Sinaan, hlan deuh ih ka sak mi hnakin neh hnu ih ka sak mi hla pawl hi cu ka lungkim deuh ngaingai.
CW: :Chin mi hlasak thiam pawl sungah na uar bik mi in sim thei pei maw?
LBH: :Chin mi hlasak thiam pawl hi an zaten uarnak tete ka nei theh ih, a hranpa ih sim ding coa,co ka thei lo. Sinaan, an voice color ka duh deuh mi tete cu an um.
CW: :Hlasakthiam pakhat dinhmun ihsi na hmuhton mi, na hngilh thei lo mi in sim thei pei maw?
LBH: :Si, ka lungawi. Hmaisabik tape aw khum nakih ka tel tum “kum zabi thar Sunmang”(2000) timi kan tuah lai cu, hmaisabik a si ih ka hngilh thei lo.
CW: :Music sungah ziang vek music hi na uar zawng a si?
LBH: :Keicu music zaten ka uar theh. Inn ah cu pop le country singers pawl hla ka ngai tam theu.
CW: :Chin mi pawl ih Music standard parah na hmu daan ziang ti vek a si.
LBH: :Tampi kan thangso tin ka hmu. Asinan, fumfe in zir ding cu kan tul rori ko. Cuti lawngah kan miphun hi fumfe zet in music lam ah kan thangso ding. Music lam degree tla lak ciamco thei sehla, cumi cu kan tulsam zet mi khal a si.
CW: :Na nun pi mi “Motto”, na thuken hi ziang a si?
LBH: :“Duhmi le paih mi lawngah siloin, tulmi le samnak ah”
CW: :A lo pehtlaih (contact) duh tu pawl hrangah...............
LBH: :Ka email ID biaktester@gmail.com ah in contact thei ko.
CW: :Music lam paih zet mi Chin Mino pawl hnenah ziang thu na cah duh?
LBH: :Music hi miphun pakhat sinak langtertu ah a tel ve tin ka hmu. Curuangah music lam ka paih ti men lawng siloin, pathian hnen ih service pek nak (Pathian rian nak) vek ih ruat in, a tul ahcun music lamih pumpek aw tu mino si ding zuam cio uh si, tiah ka cah duh.
CW: :Kumkhua Pathian hnatuan pi ding rualpi na nei zo maw.
LBH: :Umh. Cumi hrang thla ka cam rero lai fang te a si.
CW: :Hi zat tikcucan in pek nak parah lungawi nak tampi kan nei.
LBH: :Kei tla ka lungawi.
Youtube ih um LBH hla pawl
