CW: :Na hmin, suahnak khua , na nu le pa hmin le u nau pawl in sim thei pei maw..?
VSH: :Ka hmin cu Van Sui Hnem a si. Pa Run Thuan Hre le Nu Run Hnem Par ih fanu upabik ka si. Unau suahpi mipa 2 ka nei.
CW: :A tu na umnak le na fimthiam zirnak lam the.
VSH: :Tu hi USA ram, MichiganState, Battle Creek khua ah ka um ih Phun 12 kai rero lai ka si.
CW: : "Barbizon modeling and Acting School ah na tel dan famkim in in sim thei pei maw?
VSH: :Barbizon Modeling and Acting School timi hi mimawi zuamawknak tlawng cu a si lo. Acting le model lam ih talent nei deuh pawl hrang thupi ah ret ih din mi tlawng a si. Ka lut ngah daan cu a hmai sa bik ah ph thawn in ko. An thuhla mal lai in sim ih interview tuahnak ah ra thei ding in in sawm. Kei tla theiduhnak thawn ka va tel ta. A tel tu kan zaten minung 850 lai kan si ih Michigan State ih High School tlawngta hlir kan si. Kan Grade le Interview in sut mi kan phi daan a thupi bik ah ret in 850 sung ihsin minung 25 in hril suak.Cumi lak ah Pathian remruat in ka tel ngah. Cule hi mi model le acting lam part time in kan tuah ruangah kan tlawng ih kan Grade pawl kan tlak ter lo ding timi thukamnak kan nei.High School theh hlan lo cu Full Time in Model le Acting lam tuan a ngah lo thu tla in sim. High School theh in lawng Full Time in tuan thei a si.Cutin thlaruk sung weekend tinten training kan kai hnuah Certificate in pek ih Agency tla in hawl sak theh. Certificate kha March, 2010 ah ka ngah.
CW: :2009 Chin Pawlpi USA khalah Mimawi zuamawknak ah laksawng na dong ti kan thei ih Kimcang ten in sim thei pei maw?
VSH: :September thla, 2009 ah Michigan Battle Creek aiawh in minung pahnih mimawi zuamawknak ih tel dingah in rak hril. State dang dang ihsin mimawi zuamawknak tel tu kan zaten 8 kan si. Ka nu le pa ih thapeknak thawn kei tla thatho zet in zuam awknak ah ka tel suak. Cutin Pathian umpinak le mipi pawl ih thapeknak thawn 2009 Chin Community Miss(pakhatnak) ka ngah.
CW: :Model thawn pehpar aw in hmailam can ih na sun mang?
VSH: :Tu phun (12) ka theh in cu model lam tla tha ten ka ngaih tuah tum. Pathian in rem a ti ah cu model tlawng ka thehnak certificate thawn College peh phah, part time in model tuan phah thei sehla hi ka saduhthah a si.
CW: :Thuamhnaw hruk ah ziangmi lam na ngaina bik..?
VSH: :Laithuam mawite ka ngaina bik pan teh.
CW: :USA ih um kan Chin mi fala pawl na hmuh dan? Cun, ramleng ih um Chin fala hrangih a poi mawh bik na ti mi?
VSH: :USA ih um mi kan Chin fala pawl hi san an man zet. Cule fim tla an fim, mawi tla an mawi ngaingai. Pathian thlasuah rori asi. A poi mawh bik tin ka ruat mi cu Pathian pekmi fimnak, mawinak le thiamnak pawl hi Pathian hrangah le kan ram hrangah an hmang sal theu lo mi hi a si.
CW: :Laimi na si ruangih na uar awknak bik le poi na ti bik mi?
VSH: :Laimi ka si ruang ah ka riahsiat ka lungawi caan ah lungawi, riahsiat pi tu ka nei. Ka dung ih sin tan pitu ka miphun ka nei ringring ti ka theihnak hi ka uarawk bik mi a si. A poi ka ti bik mi cu lung rualnak kan nei mal tuk mi hi a si.
CW: