|
Hai Phai khua HakaTownship ih suak ka si. Ka nu le pa tla cu Khar Mang le Duh Sung an siih, unau 10 lakah mipa ah upabik ka si. Thla Meng (hlasak thiam) thawn 1998 kumah kan thi aw ih, fanu te pakhat Ketie Biak Hlei Par timi kan nei. Kan sung ten Haka ah kan um.
2. Na tlawng rak kai dah nak le na theh zo mi pawl in sim siang ve maw..?
Insein MIT ihsin B.th, BD ka theh hnu ah Birmingham University of UK ihsin Dip.RE ka theh ih, M.th le Th.D cu Lutheran Theological Seminary, Hong Kong in ka theh zo ruangah a tu cu ka zir bet nawn lo.
3. Pathian hna na rak tuan dah zo nak le a tu ih na tuan rero mi thuhla pawl in sim thei awla kan duh zet.
1986 ihsin 2004 tiang ZTC (Falam ) ah ka rak tuan dah. 2004 ihsin Haka CCC Bible tlawng ah ka thawn aw ih, tui ni tiang Principal in ka tuan rero lai. Hi Bible tlawngah tuikum 2007 tiang tlawngta 287 an umih cumi lakah nunau 42% le mipa 58% an si.
4. CCC Bible tlawng ihsin mipum paziat in tui ni tiang tlawng an theh zo, hmailam canah ziangti vekin tumtahnak nan nei?
Tuikum 2007 tiang CCC Bible tlawng ihsin ka theih sual lo asile mipum 633 in certificate an ngah zo. Kum 2010 ah B.Dip zirh thok thei kan tum.
5. Norway ramih kan Laimi pawl ziangtin in hmu?
Mi vantha tak nan si, bawmnak nan ngah tha tuk. Biaknak lamah nan zuam ih lungawi za a si. Hmailam can ah khal tampi an ra thlen lai ding ruangah miphun hrang hnatuannak khalah nasa zetin nan tangkai thei ding. Mai tong khal thiam ding, nan umnak ram tong khal thiam ding timi hi a tha tuk.
6. Tui tum Europe ram na rat nak san bik ziang a si..?
Baptist Pastor ka siih, Europe ram lam cazir dan zingzoi ding (Fact finding) ah le CCC Bible tlawng saknak hrang bawmnak sumpai hawl phah in rualpi hnenih rak tlawng men ka si. Politic lam zianghman a um lo.
7. Sayapa, a tu hi khui tawk ram pawl na feh lai ding?
A tu hi England ihsin Norway ka ra thleng zo ih Sweden, Denmark le Germany ram ka feh vivo lai ding.
8. Ramleng um Laimi pawl hnenih thucah duh mi na nei a si le….?
Nan umnak ram ahhin kan Laimi tamsin an ra thleng dingih ziangtin kan finkhawiaw ding timi hi ruat khawm tlang thei uhla a tha zet ding. Mi pakhatkhat thatlo ruangah Laimi zatei tuar lo dingih nan ralrin thiam a tha. Dingfelnak nan neih a tul.
9. Na tikcucan nei lo cing ten hi hmuah thuhla in sim thei ruangah kan lungawi.
Kei khal ka lungawi. | 
