Salai Lal Ceu Luai (Myanmar National League) interview
B.A (Thang), Salai & Salai No Hmung
<<< Burmese version Published on 5.10.2010 at 14:30 (CET)
Myanmar selected bawhlung sit tu rak si dah in, Kawlram pi aiawh in Sea games ih rak lek dahtu, a tu fang Myanmar National League ih Naypyidaw F.C ah Captain dinhmun ih khaisan hlawh in bawhlung a lek rero tu Salai Lal Ceu Luai cu a bawhlung leknak ih a hmuhton mi pawl Chin mino hrangah thusuhnak kan rak tuah. Hi thusuhnak pawl rak tuah tu hin Chin calai website pakhat a si mi Vancung Thaihlio (www. vcth.net) hrangah interview a tuah mi a si ih, Chin mipi tam sawn le kau sawn in an rak siar theinak dingah tiin ( www.chinworld.info) khalah tarlang cih a si.
Hmin: Lal Ceu Luai
Suah ni: June 20, 1982
Team : Nay Pyi Daw F.C
Position: Midfielder
Jercy no: 10
Ṭuanvo: Captain
Q: : Hmaisa ah na family background mallai thawn kan thok pei cu?
A: :Ka nu le ka pa cu Zongte khua mi Pu Khuang Ling le Pi Hlawn Kil an si. Kan zaten unau pariat kan si ih, mi pa pathum le nunau panga kan si, kei a nauta bik ka si.
Q: : Na innsungsang thuhla teh?
A: :Ka nupi cu Esther Parte a si ih fanu te Sharon Lal Za Em Par kan nei.
Q: :Nan family background ah Lehpannak lam a paih mi le thiam mi pawl an um maw?
A: :Um ko. Ka Pu le Ka pa le pawl cu milek paih le lek thiam zetzet an rak si. Ka pai pa ka pu cu buan thiam, ka pu Sui Luai khal bawhlung ah kawlram aiawk tiang a thleng, cun ka pu Sui Luai pa, Captain Lian Cung Nung khal bawhlung le boxing thiam a si, Ka pa khal Yangon University a kai laiah Japan Judo a rak lek, Kawlram ih um University hmuahhmuah lek zuam awknak ah 1966 kumah 120-130 Ibs Champion a rak ngah.
Q: :Na football career pawl in sim thei pei maw?
A: :(1998 2001) ah Institute of Sports and Physical Education (ISPE), Yangon ah kumthum sung zirnak ka rak nei. 2001 ah National Youth Camp ka rak thleng ih, 2002 ihsin Myanmar League (the Banner ) ka rak lek thawk, 2003 - 2009 tiang Ministry of Construction (Soathlukgye) ah ka rak lek. 2009 ah Futsal lek phah in Zuai Ka Pin United F.C ah training ka rak tuah phah, 2010 ihsin Nay Pyi Taw F.C in ka lek thawk.
Q: :Na nauhak laiah na upat tik le ziangvek si ding na rak tum? Bawhlung sit thiam pakhat si dingah na rak tumtah maw?
A: :Pele (Brazil bawhlung sit thiam) vek si ding in ka rak tumtah.
Q: :Cumi hrangah teh ziang tin na rak zuam?
A: :Kei hi Pathian in bawhlung lam lek ding in ka nauhak te lai ihsin I rak thlawsuah mi ka si. Ka nauhak tet lai ihsin bawhlung ka rak duh zet. Ka suahnak khua Zongte ah primary (phunhrek) ah bawhlung ka rak sit thawk, cun Tonzang ah phun (1) le (2) ka kai ih cu tawk khal ah ka rak lek thotho. Cun phun (3) le (4) cu Hakha ah ka kai ih Hakha khal ah ka lek thotho. Cutin ka nauhak tet lai ihsin bawhlung hi ka rak atcilh ih ka titheitawk in ka rak zuam nasa.
Q: :Na ngah dah mi medal pawl leh laksawng pawl teh?
1995 - kum 15 hnuai laitlang zuam awknak ah Hakha team in pathumnak.
1995-1997 - Mawlaik district sung tlawngta zuamawknak ah 1st kum 3
ท {thiam bik kum 2 1996 le 1997 ah in pe).
ท 1997 - Mawlaik district Upa (Open ah pakhatnak le thiambik ka rak ngah.
ท 1998 - 2000 - ISPE ih Youth Team kan lek lai ah, kumhnih a pakhat nak.
1999 - 2000 - D3 League ah 2nd, Bo Gyoke Aung San(Knock out Cup ah a pakhatnak le team hrangih top scorer ka rak ngah.
2000 - Yangon Division district sung Open zuamawknak ah East District ihsin a pakhatnak le 2001 ah pahnih nak.
ท 2000 -Ram mino aiawk team(kum 16 le kum l9) hrangih zuamawknak team 4, mino 82 sungin cungcuangbik pa (4) tin (media pawl ih} hril ka rak si dah.
2001 -(D1 zuam awknak Bo Gyoke Aung San) knock-out ah Ministry of Sport in pakhatnak kan ngah.
2001 - Lower and Upper Myanmar Division le State zuam awknak ah Yangon ihsin pakhat nak kan ngah ih, zuam awknak vawi 7 ah thiam bik vawi 3 in pe.
2002 - 2003 - The Banner Team ih ka sit lai ah Man of the Match vawi 2 ka rak ngah. Team hrangih khawl tun tam bik timi (golden boot) kawl 10 ka rak tun ruangah laksawng ropi zet ka rak ngah.
2002-03 -YoaMah Baptist Church kum 75 kimnak mino pawlkom zuamawknak ah ka u Kham Bawi Thawng (U Bawite) thawn CCFC team in pathumnak le thiambik laksawng kan unau in kan rak ngah,
ท 2003 - 2004 - Ministry of Construction Team in thiam bik 2 ka rak ngah.
2004 - 2005 - Yangon Zahau Mino Fellowship in sunlawihnak capi in pe.
2005 - Falam Pawlpi, Yangon in micungcuang lawmman in pe,
2005 - Bo Gyoke Aung San Knock out zuamawknak ah 2nd kan ngah.
2003 - 2009 - Ministry- of Construction Team captain ah ka rak tel ve ṭheu (C pathum kan rak si theu) ih kun 6 sung team ih kawl thun sak tambik tin Upa pawl in lawmman in pe ,
2004 -Eleven media group ih Ram aiawh team ding ah thiam bik 11 ah in rak hril.
2005 - Kawlram bawhlung thuhla an suah mi (micungcuang vial hrilmi) Cabu kum 100 sung ih hril mi ah Kan Chin mi in pathum U Hrang Khaw Lian ti mi le Ko Malah thawn hmin khum kan rak si hai.
2005 - Grand Royal 2005 Myanmar U-23, China U - 20, India U-20, Bangladesh National Team, G.R challenge Cup (Yangon) ah pakhatnak kan ngah.
2005 - Pre-sea games Bangkok (Thailand) ah 3nak kan ngah.
2007 - Futsal Championship President Cup (Galaxy Team) in 2 nak.
2008 - MCC ah Buannel in pathumnak kan ngah.
2008 - F.C.P.C (New Legend) in pathumnak le thiambik in pe.
2008 - MTS cup ah Charity team in pahnih nak.
2D09 - Khaw lam zuawawk nak kan khua Zongte (A) team in pakhat nak.
2009 - CBCY cup ah FBC team in pakhat nak.
2009 - MTS cup ah Acts team in pakhat nak le thiambik thla in rak pe.
2009 - F.C.P.C (Htay Family) in Champion.
Q: :Kawlram ah kick tha bik 2nd nak na rak ngah tin kan thei. Cumi lai nan zuamawkdaan pawl in sim thei pei maw? (Details in sim thei cila...)
A: :Asian Tiger Cup (1996-2004) ah Kumhnih voi khat tuah mi ih 2000 a voi thum zuamawknak ah Final ti nuam tertu ding tin 1st half ṭheh cawlh can ih mipi nuam ter duhnak in Ten Countries One Champion tin hmin pek zuam awknak ah ka rak ngah nak a si , (Cui kum lawng ah zuamawknak a rak um) cumi awng ding ah Kawlram sung in a sit 20 kan Ong ih minung pahnih Ram aii awh ih hril a rak si. Hi Lam 18 meter Goal area in khat lam Goal sung direct lut ih zuam awk a rak si. Kick ṭhabik 2nak ka rak ngah nak khal cu zuamawknak ih a telmi lak ah kei mah hi nauhak bik ka rak si, cule a voi 5 nak ih ka sit lut ter ruangah a si ding. Mi tam sawn cu voi (10) hnu ih sit lut an rak si deuh thluh.
Q: :Kawl ram ah 2nd long shoot a ṭhabik na si vekin puai ngaingai ah tla long shoot na ṭha zet tin kan thei. Nangmah ih trade-mark pakhat vek rori a si hmang. Cutin kick ṭha ding in ziangtin na practice?,
A: :Pathian zangfahnak ruangah kick hi cu ka trade-mark ṭha bik a si. Kick ṭha ding in cun tumtahnak ka neih mi cu bawhlung zawnzet ih sit thei ding ka rak zuam, cumi hnuah Power le Technique ka zuam bet.
Q: :Kawl ram pi aiawh in Sea games na leknak thuhla pawl in sim thei pei maw?
A: :2003 "22nd Vietnam Seagames ah under 23 a si, 2004 march 17 ah China thawn friendly match Quanzu ah ka rak lek. 2004 Singapore Tiger festival ah Singapore, Myanmar, Hong Kong pawl thawn team thum kan rak lek, 2004 Asean Tiger Cup ah Malaysia le Singapore ah 2004 December ihsin 2005 January tiang. 2005 ah Indonesia Feb-Bang Yuos Gold Cup ah ka lek. Cun 2005 Japan Yukohama (Jvillage) le Tokyo ah friendly match le training kan tuah. Cun 2005 thotho ah Pro -Sea games Bangkok Thailand ah ka lek.
Q: :Kawlram National Team ah mah milai le milai lo tivek a um tin kan rak thei dah, nang National Team ih na lek lai ah teh cuvek na tawng dah maw?
A: :BawhLung team daan a si ko e. Mah in mithleidan nei lo ding ih zuam natsat a tul.
Q: :Ziangtin Ministry of Construction Football team thawn na rak pehtlaih thei?
A: :The Banner Football Club ih 2002-2003 ka rak lek lai ah Pathian zangfahnak in khawl thun tambik le kumkhat sung thiambik 2 nak ka rak ngah. Cumi lai ah Ministry of Construction pawl in Junior Engineer pek cih dingin in rak lei.
Q: :Cumi ah bawhlung lek phah in-Ministry ah ziangmi position in hna na ṭuan thok? A tu teh na ṭuan lai maw?
A: :Junior Engineer ah Li-lawn tuahnak lam ah ka ṭuan ih tusun ni tiang cu ka ṭuan ṭento lai.
Q: :Kawlram pi aiawh in Futsal games pawl na va lek dah ti tla kan thei. Cu mi thawn peh par aw in in sim thei pei maw?
A: :2007 Asean Futsal Championship Bangkok, Thailand ah le 2009 Asean Futsal Champoinship V-viilage, Vietnam ah rampi aiawh in ka rak lek. 2007 ihsin ka man ahcun ka lek phahphah lai.
Q: :Big game le Futsal hi khuimi si lek na paih deuh?
A: :Big game si ko.
Q: :A tu NayPyiDaw, F.C thawn kum ziat contract nan tuah?
A: :Kum 2 a si.
Q: :Thailand ah tla bawhlung na va lek tin kan thei. Chinmi sung ahcun ram leng club ah hmaisabik a lek mi na si ding kan zum. Nangmah hlan ah cuvek lek tu teh an um maw? Thailand ah thla ziat na va lek? Puai ziat na lek?
A: :Aw si. Ramsung Professional ih lek kan Chinmi ahcun International Transfer Certificate(lTC) thawn lek tu hmaisabik ka si. Asinan ramleng thleng hnu ah siseh, ramsung ihsin khal mah te contact nak ruang ih kan Chinmi, midang lek ve tu khal an um phahphah ko. India lam ah an tam bik ding, kawlram youth kawlkil thiambik pakhat a si mi Van Lai Hruaia an timi le Run Hre UK, cun Australia ah ka u Kham Bawi Thawng tla, Nau le tete tla kan um vivo ko ding tin ka zum. Thailand ih Second Division, RANONG F.C ah thla hnih sung ah puai 9 ka va lek.
Q: :NayPyiDaw F.C ih na ton mi harsatnak pawl in sim thei pei maw?
A: :Harsatnak tampi lak ihsin a thupi bik ka ton mi le ka rel duh mi cu team work neih lo harsat nak hi a si bik ko,,.
Q: :Tui kum nan team dinhmun in sim thei pei maw?
A: :Kan team neitu hi Christian pakhat a si ruang ah dingfelnak lam ah nasa tak in lam in hruai. Kan team hi training le disciplines lam ahcun team dang hnak in tampi kan ṭha sawn nan team-work kan neih thei lo ruangah professional team 11 sung ah neta bik sangtu ah kan si.
Q: :NayPyiDaw F.C in Captain na si tin kan thei. Captain pakhat ih tuanvo leh thupit zia pawl in sim thei kem?
A: :Captain pakhat ih ṭuanvo leh thupit zia pawl maltei ka tarlang duh mi cu:---------
(a) puai a thok in a cem tiang kan neh le kan sung khal ah beidong lo ten team player pawl control thei.
(b) team sung ih player pawl thuhla - an talents and skills fiangfai ten a theih thluh lawng hman si loin khatlam team pawl ih sinak le hlawhsamnak pawl khal thei thluh a ṭul.
(c) bualrawn sung le leng khal ah mi hoha thei, mi zohṭhimthlak ih dingfel thei,
(d) team rem awknak hrangah rual rem ter thei,
(e) FlFA rules thawn mil aw in thianghlim bik ih lek thei,,,. Cun keimah ih ka uar mi bik cu "Leadership is action, not position" ti hi a si.
Q: :Myanmar National League ah a rak lek mi ramdang mi pawl ih an quality ziangtin na hmu? Kawlram mi pawl hnakin an ṭha deuh maw? Nan team ih ramdang mi pawl teh?
A: :Kawlram players pawl hnak in an power le an stamina a ṭha deuh.
Q: :Kawlam footballer pawl sungah na uar bik mi?
A: :Ka uar bik mi cu Ko Soe Myat Min a si ih ka duhbik mi cu U Than Toe Aung a si.
Q: :Leitlun ih tha na pek mi Football Club kan thei duh? Ziang ruangah khami club tha na pek?
A: :Manchester United a si ih an COACH/Manager Sir, Alex Ferguson ruangah a si bik ko.
Q: :Leitlun na uar bik mi footballer zo si pei?
A: :Ka uar bik mi cu Kaka a si ih ka duhbik mi cu Zidan a si.
Q: :Leitlun Football players pawl thawn na duh mi team minung 11 in kan thei duh. 4-4-2 Formation in sim aw.
Answer:
1. Goal Keeper-Peter Schmeichel (Denmark)
2. Right defender- Cafu (Brazil}
3. Center Defender-Jeep Stam (Netherlands)
4. Center Defender-Nesta (ltaly)
5. Left Defender-Roberto Carlos (Brazil)
6. Right Midfielder- Maradona (Argentina)
7. Center Midfielder- Lutarmatias (Germany)
8. Center Midfielder-Zidan (Prance)
9. Left Midficlder-ineister( Spain)
10. Striker- Ronaldo(Brazil)
11. Striker-Pele {Brazil)
Q: :Bawhlung na lek nawn lo tik-le Coach lam na feh tum maw?
A: :Tum ko.
Q: :Professional Footballer pakhat si thei ding hrangah ziang pawl kan timtuah a ṭul? (Ei le in lam le bawhlung praticenak pawl...)
Dam cak a ṭul bik. Hlan ahcun-practice makes perfect player an rak ti nan tu ahcun -perfect practice makes perfect player ti a si thlang,
Q: :Chin website ihsin Chin mino hnenah na sim duh mi mallai in???
Kan CHIN MINO zo khal tumtahnak sangpi kan nei ding ti ka zum, Cu vekin tui kum ihsin kan Chin aiawh Football Club pakhat CHIN UNITED FOOTBALL CLUB tla din a si. Ramsung Ramleng um kan Chin mi nan zaten nan tel theinak cio in lungrual ten in rak ṭanpi cio ding ah ka lo sawm. Khui khal ah CHIN UNITED FC kan rak nei thluh tum ding. Cui Bawhlung Team ihsin leitlun kan chin mi zokhal pawlkom awk thluh thei kan tum kei uh.
CHIN UNITED F.C ih tumtahnak mal ten kan tar lang ding, a hmai sa bik ah kan MiNO pawl zokhal bawhlung ihsin tumtahnak nei hmuahhmuah kan ṭhangso thei ve nak hmun pakhat si ding in, zuam awk nak sangbik tiang ih kan tel thei ve nak ding in, kan dam cahnak hmun pi pakhat si thei ding in, ramsung ramleng kan Chin mi team um zate komkhawm ih team ṭhabik si vivo thei ding in, zum lo tu pawl lak ih zoh ṭhimthlak football team si ding in, ramsung um mi miphun lak ih team sangbik thlengthei ding in, sankhat hnu sankhat ṭha vivo thei ding in, kan Chin mi zaten ti lungawi ter thei ding in, kan lungrualnak hnget khoh sinsin thei ding in, leitlun ram pawl tiang ih welcome mi team picang pakhat si thei ding in.
"Bawhlung A Duhdawt Ah Cun Sual A Hrial Thei Ding "
Q: : A lo contact duhtu pawl hrangah ...?
A: : Ka mail address: lceute@gmail.com
Q: :Kan lungawi nasa, Pathian in na lam tluan ah thawsuahnak lo pe vivo hram seh.
A: :Mino pawl parah lungawinak sim cawk lo ka nei. Bawhlung lam khal ah in ṭanpi sinsin thei hram ding in zisu krih hmin in zangfah ka lo dil.
