ASUNGTHU
TUMTAH MI
Peng pakhat lawng t'hatnak ruat (peng thinlung neih), lole phunhnam fate (hrin) lungput cu rampi pumkhatnak siatsuah tertu a si thei ruangah, khawruahnak dik lo ti theih a si. Cuvek cu communalism an ti. Hi cabute ih tumtah mi cu, peng thinlung (communal feeling) neih si loin; rampi hngetkhoh le t'hangso ter ding cun, hnam thinlung (national feeling) nei cingin, mai semnak peng le ram t'hanso ter hmaisak a t'ul ti lang ter tumnak a si.
Falam pawlin, an dinhmun thupitzia an theih fiang lawngah, an ihthahnakin an harh dingih, thuanthuin an liang parih a t'hum mi phur cu, ralt'ha le hlawhtling zetin an phur thei ding – ti hi, hi ca ngantui' hmuh dan a si.
Hivek deuh ram thuhla ngan tikah phun thumin ngan a theih: Thuhla ziang kim a se lam pakhat hman tel loin a t'ha zawng hlirin ngan (tha pekawnak lawnglawng); thuanthuih a rak thleng dah mi ziangvek khal, hotu tivekih tlin lonak tiangin, a se lam a t'ha lam pahnihin a sinak ciah a ngantui' hmuh dan vekin ngan (tha pekawknak tel lo); a cang zo mi a t'ha le a sia pahnihin nganih, an pahnih ihsin zir suah mi nei thei dingin tha peknak ngan, an si.
Aw! Falam cu hi a neta bik vekin ngan a si.
Dated Yangon, No Than Kap
the 7th May, 2003.
I.