Thutlangpi pawl

CHIN AWNMAWI! CHIN ROCK!

Ram le miphun, Khua le tlang ih zirin mah le awnmawi kan nei cio. Cui awnmawi cu kan nunphung, kan calai le tawng khal an si cih. Cu vekin kannih Chin miphunpawl khalin "Chin Awnmawi" kan nei ve. Cui Chin awnmawi khal cu san khat hnu san khat a danglam in a thangso ve vivo.

 

• Awnmawi Cahram ah kirsal 

• Ram duhdawtnak
• Calai
• Nun Thuleng

• Theih tha

Khuahlan lai kan pipu san ih kan awnmawi cu dar le khuang pawl hman a rak si nan san a hung her vivo ih, santiluan dawi in kan awnmawi khal a thlengaw vivo. Tu ah tla cun leitlun santiluan man in kan awnmawi cu sanman [Modern/International Level] a si ve thei zo. Cui tlunah san thar [New Generation] minopawl ih san thar awnmawi khal kan nei thei ve zo.

 

Tui hlan deuh ihsin kan ulepawl ih lam rak sialnak in kan awnmawi [Thu le Hla] pawl cu elbam ah khum thawkin a rak um thei. Tui hlan ahcun elbam suak kan neih mi cu pahnihkhat te lawng a rak si nan tui san ahcun a tam ve thlang. Hlasak thiam khal nunau/mipa ti lawn kan nei tam thlang. Awnmawi phun [style] phunkim ah a sak thiamtu, a tum thiamtu, a phuah thiamtu kan nei kim ve. A tumtu lam khalah Guitar, Bass, Drums, Keyboard, tvk. awnmawi thilri phunphun tum thiamtu tampi kan nei zo. Hla tha le mawi zetzet ngan ih phuah thiam khal kan nei tampi zo.

 

 

 Cun ben [band] fumfe ih ding thei khal kan nei tam thlang. Backing vocals sak thiam khal kan nei thotho. Studio lamih tuan thei Sound Engineer tla kan nei rero zo. Studio rori a nei theitu tla kan um rero thlang. A thu, a ngan lamih tan rak la tu le a thlirtu khal kan um ve ko. Country, Pop, Slow, Soft, … ihsin Blues, Jazz, … ah, cun Punk, Rock, Hip Hop, Rap, Hard, Heavy, Speed, … ah, cui sin Metal, Thrash, … tiang kan tuah thiam ve zo. A thlum, a al, a pak, a kha, a thur, a thak, … a phunphun kan tep thei ve zo. A muang, a fung, a rang, a cak, a nem, a dai, a sa, a khoh, tvk. a tul dandan in kan feh thiam ve zo.

Ziang dang ha kan sam lai? Zo dang ha kan tul nawn?
Chin awnmawi khawvel ah leng tlang cio uh si!
A mawi sinsin ding kan Chin Awnmawi!

This is our Life!

This is our Song!

This is our Chin Music!

This is our Chin Rock!

This is our Chin World!

Salai Peter Din