Ram Hrang
RamHrang
Ka tuah thei bik pakhat cu
Lai pa nang mah ka lo duh hi ka si
RamHrang
Ka tuah thei bik cu
Lai tlang ih ka um rero hi a si
Nang teh
RamHrang ti ruat nak ten
Vai pa nih in ngair hlan ah
Ka lo duh in ti thei lo dingmaw
RamHrang ah..................
Ngantu: Mai Zung Len Cer Don
Ka pai thlanhri
Nupi fanau ruahsan nak in
Zingdai khuasik it ngam lo in
Itthaw lai ah a tho sal maw
Hnatuan ding ah ...
Sunlai ni sen tlunti um lo
Neihsun Tha suah Thlawh lo parah
Rawldang pa tlung a tel lo maw
Fanau hrangah tuantento e ...
Rilrawng can hman ziang Ei lo in
Tuansuak sumpai Pia sen te khal
A thlum a al duhtuk hman law
Tawltuangti tein tuartento maw ...
Fanau duhsak fimthiam nak ah
Neihsun sumpai a suah thluh e
Zing zan Ei ding hawlsal leh in
Phunzai lo ten Degree in pe ...
Ngan tu : T T
Tthelh
Dec 18, 08
I duh vaal cu
Kotka zin ah, ttingttang thai in
Dawtnak bia hla, a zai ko nan
Ka lungthin cu, vaal dang hnen ah.
Ka duh vaal cu
Khua sung zin ah, ttingttang thai in
Dawtnak bia hla, a zai ko nan
A lungthin cu, leeng dang hnen ah.
A cuih van!
Thlapa a thim.
Arsi an mit.
Duhtu le a duh mi
An tthelh awk tik ah.
Cengte
Vai va nun le Lai pa nun
Vai va rual tla , sun ni tin in;
Suk le so ah, ei ding an hawl;
Khaw kip hrawng in, kan tawi vak e,
Maw Lai pa tla, Vai va hluan in.
Kan Lai dan ah,
Run inn sum tual, zaal hmai sa in;
Thlawh rawn lian ram, ei hawl lai nak
Hnu zaal an ti.
Run thang hau hruang,Tin tling san tthiang;
Nei ve hlang e, Vai va hluan in.
Mi lian cung nung, Mang bawi lal fa;
Za cung hnuai ah, Sal taang bang in,
Ttuan khung kan tim, colh ni nei lo'n ,
Hawi kom len pi, nei rua hlah ing;
Mai duh ning in zei kha sir hlah;
Har fual mal maw, Vai va hluan in.
Cer lian lai ni, Van puak si tur:
Her liam ko law, Zam rang deuh in;
Ka saw zaal ni , rei na cawk ai;
Kei Lai pa tla , Vai va hluan in.
Van member
( Malaysia )
SUNGHNO KA NU NGAINAK
Sunghno semnak ka Nu
I khuh ee…na duhdawtnak cun
Ka thin sung muril tiang
A pann siamsi na hmel
Athlum ee…
Khuai tizu bang
Na annka nemte
Ka hrang cahnak sii tthabik
Ka hung tthanglian na tlawnginn pi in
A ring tuk ee…
Ka thin sungah
Na nun zirhnak
Sam thei can aum lai maw…Ka Nu
Na duhdawtnak hi!
Fimnak hawlin atu tlangthawng danah
Kei na thaal rinum
Ka hmang ka can sungbik
Ka ngai hleice
Nat le Taanhal caanah
Na kut suan rawl hlumte
Buh suahmi le Anthur hang hman!
Na Behrum thutmi thawte thawn
A cuang hleice
Mitthlamah hin
Ka zohkhawp lo nitin in
Na zuk mawite
A khat ee na hmel cu
duhdawt, ngilneihnak in
Ka Nu
Kut zung tthepin ka siar
Tawnsalnak ding
Kum, ni le thla
In hngakhrih law
Ka tthehhrih lo ka tumruh
Tlawng thawng danin
Tuarhrih ko ning
Duhdawttu
Sunghno semnak
Ka Nu
ngai in...
( D.L Senling )
Ka Covo
Tlangval no lai, kum 17-18 hrawng,
Ram hrang nun thapin, tupi lak,
Ninu sa le ttoruah, cangvat lakah, lungto lungkham
Hling ihphah hmangin, Pathian pekmi miphun hrang,
No lai caantawi, ttuan ttentto le nunnak thapin,
Ram hrang ttuan ee ka ti…
Kumli liamee, thlanhripi le thisen tla in,
Rak ttuan hmanseh, lungthin danglam,
Sinak duh le duhham pawl ruangah,
Tumtah thlenglo, cawlh a ttul ee,
A pawi ka ti acuih ka thin,
Ramhrang ttuan ee ka ti…
Ramhrang ttuan pa, miih ziang siarlo,
Mi aa in timaw, a pawilo.. milian neinung,
Nuncang mawilo, cawimawi an hlawh,
Ziangsan kan tleng, manglam bangin,
Thutak ttan ngam, nitin an mal, hmanseh kei cun..
Ramhrang ttuan ee ka ti…
Mithmuh Pathian, sunghno nu le pa,
Pathian pekmi, ka u duhtak,
Pialral an thleng, an duat an fapa hniang,
Ruak khal hmu lo,ruak vui theilo
Hi maw ka covo, a cuih ka thin…
Ramhrang ttuan ee ka ti….
Kum kul liamee, hmuh ni um lo suahpi unau,
Semnak Lairam, mittlam ah le
Zanmang ah lawng….Kirsal theilo,
Kir ni hngakhlap, nithla siar in…..
Kiangkap rualpi hmuhsuam tawng maw,
Ramhrang ttuan ih ka covo…..
Hmaseh keicun, dungsip lo le,
Huaisen nak thawn, thutak ttan in,
Hmuahsuam nak hmuah, ttan laknak ah,
Hman tum sawnin, tumtah thleng tiang,
Ttuan ttento ding ti in …
Ramhrang ttuan ee ka ti…………..
by Piangte
LUNG TAK KA DUH
Lung tak ka duh mi zoh khawp thei lo ka thai nu,
Na tong cung thi erh mi tla in;
ka lung thin ril hmuah in lak e,
I duh nak in ka lung i ngam ter,
Ka lung hnem tu leh ka ham cia,
Ka duh bik mi na mawi zia hi,
Rel ding um lo in na mawi hlei ce!
Ka duh bik mi na hmur khuai ti zu bang a thlum,
Na tong ka hrang hnawi le khuaitizu bang an si e,
Va bang zuang thiam ning law
Lung tak ka duh SN hnen ah,
Salai Khumte
Ka duhmi na hrang
By Grimson Lal Nun Thar
Hlawnthil le sui ngun ka lo dil lo
Lunglawm bia na hnenin ka phut lo
Dawtnak anka ka thiam tawk ka lo hlan mi sawn
Hngilh siang hlah tiah ka lo ngen
Na hrang tuah thei neiin, na duhmi poh lo lak sak ning la
Ziang bang lungawinak ka hrang thleng ding!
Anka thlum na hnenin tong lo hman nung la,
Ka beisei, tahnak mitthli tlak na tawn can ka hnen na thlen
Ka duh sawn, kei ka hrang
Zatial kut na tawn canah, riahsia le ninghang can bang
I sim thei, simnak na neih lo canah;
Na hawikawm na ruah ngam lo mi, tlang za tlak
Im sim hram, kei ka hrang
Ka duhmi, na hrang, na hrang…
Ka nunnak lo pek ka zuam, hmanseh nung lo cun lo co thei lo.
Ziang ka tuah ding, khuahlan an sim biazai,
Thlun har ka ti, lo hngilh ka phang.
Ka duhmi, na hrang.
Dawhhlei
Ziangah nangbang tha hlei, dawt hlei hi
Ka rak lo ton, khirh sal thei lawn;
Zanmang talah hlo thei ning law
Tiah duhthu ka sam nan..
A reh thei lo, Na hmui thlam.
Zan zilthli nem bang na zuun
Lo co thei ning, khua tin sat bang;
Hmanseh tlanghra kan lo kei hi
Na duhnak va phu thei ta hlang
Nang cu nun nawm le lungawi phu in
Kei riahsiat le duhmi co lo sawn ning
Va leng ko, lam za tluanah
Hmanseh, dung let in ka lam ra her
Na hmu ding dawtnak mitthli;
Nang ruangih luang mi
Dawhhlei, nang lawng.
By: Hniangsinpa
Faizong Iang
Zaan dai thlatang, thlizil vir in
Seem car a vun, ro pherh phi ten
Paangang sung kua, puai rawl zawh hnu
An faih a hnah, phang khat hlah lo'n
A hngettek hak, an hlen lo lawng
Ruh ro car bang, ding ri riai.
Faizong hnen in, nunzia va zir
Tuar caan liam hnu, nunnom caan um
Sifah vang ah, vuihram phah in
Na tuar zonzaih, an tten tto la
Retheih sumzing, a kian tik ah
Duh Mi Na Zuun
Ka tuarnak hi a na hlei e,
Theihpi le theihsaktu um lawn, keimah lawng;
Tluang dangah, um har le lileng ih can ka hman laiah,
Leng dang tang liamin, in taan san maw!
Kei tuarnak damni um thei dingah zum lo.
Duh mi na zuun tuar a har;
Tlanghra kan in, mual za zuan hman ning
Nang ngai reh ni um thei lo kei ka hrang;
Na zuun mi thlim e, zan dai zilthli nem bang;
Hmanseh liam ko law, na tum leng dang hnen ah.
Kei sawn lileng ko ning, ka thlennak hmun kip ah
Nang lo cotu mi thlawsuak va si hram;
Taan siang nawn hlah, na tum lengnu;
Kai hnget ko, kei thlawsuah na hnen um
Na zuun tuar ko sawn ning, na hrang ka ti thei tawk
Sinte
Duhdawtnak
By: Grimson Lalnunthar
Mi pakhat hnenah na duhdawtnak na pek tikah, a nih cun a rak lo duh lo men thei. Hmansehla, nangmah le nangmah kha ret niamawk cuang hlah, na theih dingmi cu na Duhdawtnak in na duhdawtnak kha mi thinlungih um thei dingin a lo hril lo tiah ngai sawn aw.
Na hnenah duhdawtnak miin an lo ngen tikah, na rak el in an duhdawtnak na rak pom sak thei lo a si thei. Hmansehla, an duhdawtnak kha tihzah sak aw, ziangah tile, na sangka kiangah duhdawtnak in sangka a run king nan, na rak el ti theiih, an duhdawtnak na pek kir theilo mi cun can tha ah laksak ta hratin, an parah thin na ding cun va tuah hlah.
Duhdawtnak na pom dan cu na nuntu dan a si ti hi cing keng awla, tuarnak le lungawinak khal cumi cun a lo pek. Na nitin nun dan le na hman dan cu a dang men thei.
Mi na va duhdawtih, na duhdawtmi khal in a lo duh let ve a si ahcun, pom hnget awla. Lungawilonak ding le puhmawh ding va hawl hlah. Ziangah tile, duhdawtnakin a lo hril ih, thlah siang nawn hlah, can a rei keiih, na theithiam mai ding.
Na theih ringring ding mi cu, duhdawtnak hi nangih hril a si lo, Duhdawtnak sawn in a lo hril. An tuah dingmi sawn cu, hnget zet ih na rak co hlan kha a si.
Pardawh Iangin
Na rim a hmui, na mawi hlei e
Par dawh hlei cuang, Rose par iangin
Sunglawi hleiin, iang na nei maw
Mikip lungthin, hiptu par dawh...
A par duh cun a hling pawi hlah
A nat hmanah i sun ko law
Tur a nei mi na hling sun cu
Thinnat hnakin hril sawn ko ning...
Hlawnthil sunglawi sui le Ngun pawl
Ropitnak le sunglawinak hmuah
Nang lan (iang) theitu an um lo e
Par dawh nang lawng kei ka lo `ul...
Zoh ka khawp lo, `awt ka siang lo
Duh tuknakah lungthin a phang
A `il pang ding, a vuai pang ding
In khelh pang ding, ka hnu pang ding
Duhnak lungthin Zalam tluanah
Dawntu, khamtu tampi hmanseh
Ka lungthlitum par dawh te cu
Dimdawih tein, ka ` awi thlang ding...
Ka ti zawngah............?
Salai Lal Ram Lian
