|
Tedim ah Thilri Lonsaknak Voi (2) Tong
Chin World Media
January 14, 2012
Kum 2012 kum thar tikcucan sung, Tedim peng sungah duh lo cingih thilri lonsaknak voi (2) a um a si tiah thuthang kan thei.
A pakhatnak cu January ni (3), zanlam nazi (4) hrawngah Tedim peng, Lailu khua thlanglam ah Tedim ihsin Tunzang ah Bike thawn a ra tlungtu Go Suan Piang cu nam thawn mi pa (3) in an tthih ih thilri lonsaknak a tong ti a si. Zan khawthim zawngah a luatsal ih a hnipuan le paisa thawng (20) an lonsak. Go Sian Thang cu Kalay a feh tummi a nu a thlah ih a tlung lam ah thilri lonsak a tuar a si.
A pahnihnak cu January ni (9), Thui Than lilawn saklam ah a si. Sakaw Lan veng, Tedim ih um Sum Khen cu Thui Than lilawn parah thilri lonsak a tong ih, paisa a kengtel lo ruangah vuak le velh a tuar ti a si. Thilri longtu pawl cu an hmai ah puan thawn an hupawk ruangah zo an si ti theihtheih a si lo ih, an aw lawng a hminsin thei ti a si.
................................................................................................................................................................
| 
