|
New Delhi ah Chin Mino velh tong
Salai KC Sum
Chin World Media
January 10, 2012
8 January 2012 Sunday zanlam nazi (5) hrawngah Salai Mazawn (rual banlo) le a rualpi cu DBCF EChrilawknak an telpi hnu Inn lam ah tlung ta lo in District Centre, Janak Puri ah cun an feh cih. Cuihmun ah Sound Box an lei theh veten Inn lam pan in an ra tlung.
Cycle Rickshaw thawn an ra feh hnu(Furlong 2) hrawng an feh hnu ah vai mi sawmthum rual in lamzin ah an rak kham ih an kaicih. Rual banlo Salai Mazawn ih paisa bawm le Mobile phone cu an lon sak. Paisa bawm sungah paisa RS. 9000/- a telcih.
Anmah minung khal kut an thlakcih ih a rang theibik in an tlunter.Salai Mazawn ih kianghrol (kehlam) cu an vuakkiak sak ruangah a feh thei nawn lo ih a rualpa cun a pawk ih thlaphang zet in an tlung.Pi(200) hrawng an tlan hnu ah Cycle Rickshaw dang an tong ih cui cycle Rickshaw cun an tlungsal.
Cycle Rickshaw an sangsal ti an hmuh ruangah vaipawl cun an dungin Bike thawn a rang theibik in an dawisal ih an va man veten an tonak Cycle Rickshaw neitu cu an dinter ih an pahnih cun tum ding in thu an pe sal.
An tumlo cun velhsal dingih hrinhro an si ruangah an tih ih an tum sal lala.Cutin Salai Mazawn cu a rualpa in a paw sal ih ke cun an fehsal hnu minute nga hrawngah Auto Rickshaw a ra thlengsal mi cu an rak tosal ih cutin an inn cu an va thleng thei sal.
Hithu thawn pehpar aw in UNHCR lam ah thuhla theihter asi zo nan tutiang a hrangah zianghman tuahsakmi an neih hrihlo thu don a si. A neihsun sumpai( UNHCR ih pekmi SA) RS. 9000/- laksak a si fawn ruangah sikhan khal piahaw thei lo in tutiang a um.
....................................................................................................................................................................................................................................................
| 
