|
NLD Ramthukhel Party Pakhat ah Dingsuak Zo
January 05, 2011
 Pi Aung San Suu Kyi ih kaihruaimi NLD party cu rampihuap hrilawknak commission in Dan vekih ramthukhel party (Political Party) pakhat ah a cohlang in a nemhnget zo ti a si.
Cuti a si ruangah hmaizarh tlawngkai nikhat ihsin Party zung onnak, Party sungtel thar cohlannak pawl kan tuah thlang ding a si tiah NLD ih thuphuangnak tuanvo neitu Pu Ngyan Win in a sim. “Tuisun ah Yangon ramthen commission in in ko ih, register tuahnak ah kan hlawhtling thu in sim. Kan registration no. cu 47/2002 a si dingih party thantar le tacik pawl tla an zaten siannak kan ngah zo a si” tiah Pu Ngyan Win cun a simbet.
Lailak hrilawknak hrangah hluatdaw palai ding pawl cu kan hmai Jan ni 11 ah cazin pek ding ti a si ih, Pi Suu Kyi cu Yangon ramthen, Kawhhmu vote thlaknak hmun ah a zuam ve ding ti a si. January ni 16 hnu lam ihsin finkhawmnak hnatuan tla an thok thlang dingih, hmun lawngnak 48 ah NLD cun an zuam ve ding.
NLD party cun kan dung November ni 18 ah Party register tuah dingin thurelcatnak a neih hnu ah hrilawknak commission hnenah register an rak tuah. December ni 12 ah rampihuap hrilawknak commission cun ramthukhel party pakhat din dingin siannak a pek ih tuisun ahcun Dan vekih dinmi ramthukhel party pakhat a si zo.
Lailak hrilawknak cu kum 2012, April thla ni 2 ah tuah dingin phuansuah a si.
...........................................................................................................................
|
