Mindat ah phun 9 tlawngta pakhat a thi
Chin World Media
January 17, 2012
December 8, 2011 ah Mindat khawpi ih No 2 Nah-Tah-Lah tlawng inn ih phun kua tlawngta Mawng Awng Thang cu a tlawngkaipi a rualpi thawn sual aw in a lu a khawng aw ih a nunnak tiang a liam tin thu theih a si.
Himi thuhla thawn pehpar in Mawng Awng Thang ih pa U Ung Mawng cun Mindat palik zungah zingzoi sak dingin veitampi dilngen a si zo. Asinan Mindat palik bawi Hlah Cho cun zianghman thu tawlrel mi a neih lo ruangah Naypyidaw ih Hlawttaw Hotu hnenah cakuat in simnak cu January 16, 2012 ah a kuat.
Cakuat sung ahcun Mawng Awng Thang cu No 2 ih tlawngta phunriat kai Hung Shing Awng thawn December ni 8, 2011 zaan (21:00-21:30) karlakah sual aw in a lu cu leirawhcan (ta-man-ta-lin) parah a khawng awk ruangah a thi. Himi thihnak thawn pehpar in Mindat siibawi khal in a zoh fiang hnuah palik hnenah simding in a fial.
