|
Karen Ram ah Kahawknak Colhsan Ding Lungkimnak Nei
January 12, 2012
 Kawlram cozah le Karen National Union (KNU) pawlih remdaihnak palai pawl cu tuisun Pha-an ah relkhawmnak an nei ih, kahawknak colhsan dingin lungkimnak an nei thei zo ti a si.
Lungkimnak an neihmi sungah pehtlaihnak zung on ding le humhalhmi ramri sungih khualtlawnnak ah hriamhrei keng teng lo ding thu pawl tla an tel ih a dang dilngennak zaten thulu 11 KNU in a nei a si tiah relkhawmnak ah a tel vetu Pu Ngwe Soe cun a sim.
“Rekhawm ding kan nei lai, thulu 11 sungih a telmi Policy pawl an zaten rampi huap relkhawmnak ah pakhat hnu pakhat kan relfel ding a si” tiah Dawei Princess ih Managing Director Pu Ngew Soe cun a simbet.
November ni 15 ihsin vuangyi Pu Aung Min in KNU palai pawl hnenah remdaihnak relkhawm dingin sawmnak a rak nei ih, November ni 19 le 20 ah Thai-Myanmar ramri ah relkhawmnak an rak nei. Tuisun ah lungkimnak sign an thu thei.
Rampi huap relkhawmnak cu ni 45 sungah tuah leh dingin timtuahnak an nei zo ti a si.
KNU in phunhnam bangrannak, mahte ukawk le lairel theinak (Self-determination) ngah thei dingin Kawlram cozah a rak donak hi kum 62 a kim cuahco. (Source: Irrawaddy)
......................................................................................................................................................................................
| 
