CHIN TLANGVAL PAHNIH THAWITUAR
Salai KC Sum
Chin World Media
January 14, 2012
12 January 2012 (thursday) zan nazi (11)ah Chin tlangval pahnih Salai Cung Aung le Salai Jehu cu renlo tak in Vai pawl in an thawi. New Delhi ih hastsal veng( Uttam Nagar) ah asi.
Vai tlangval rual cu rinlo pi ah Cung Aung le Jehu ih inn sannak ah an ra lut ih an room sangka cu an siahsuah cih. A sungih hnatuan bang itthat diahdo lai le ziangruangah a si ti theilo tu cu thirfung thawn an thawi ciamco.Rice cooker ih an vuaaknak ah an lu a kuai.An khuk ah hma an tuar.
Cung Aung ih hahmai fangkhat a kiak.An lu le an taksa ihsi suakmi thihnai tla cu lungna nei hrangah zoh ngam ding khal a si lo.Hitivek ih ra nuai ciamcotu vaipawl hi an zaten zu an ri theh.Falam Union Secretary Robert le CRC ih Khaiboy pawl in Police an kawhmi an ra thlenhnu lawngah vaipawl cu an bang.
DDU hospitalah mina pahnih cu fehpi an sinan Doctor pawlin X-ray le CT scan thawn lak ciamco an si.Asinan theihzo bangin Normal ti thotho in an result cu suahsak an si ih Zato ah admit terlo in tlunter cih an si.
UNHCR ih partnership a simi SLIC Office ah report cih a si nan tutiangah zianghman an tuahsakmi a um theih a si hrihlo.Delhi ih Vaipawl lakah Chin Refugees pawlhi kan himlo deuhdeuh nan UNHCR lamih ngaihsak cu zianghman a um cuanglo "tiah pa pakhat cun a ti rerto,.
....................................................................................................................................................................................................................................................
