|
A voi 3 nak Kawlram Thawngtla Luatnak
January 03, 2012
 A voi 64-nak Rampi Zalennak Sunloih-upatnak Ah “Thawngtlak Pawl Luatnak” President Pu Thein Sein in Thupeknak Capi A Suah. Cui thupeknak capi cu 2, January 2012, zanlam nazi 4:15 ah cozah TV pakhat a simi MRTV-4 ihsin an phuanglang.
Cui luatnak peknak ahcun tthat thihnak dantat a tuartu ding pawl cu damsung tikulh hremnak ah, kum 30 le tlunlam thawngtlak pawl cu kum 30 tiangah, kum 20 le kum 30 tiang cu kum 20 tiangah le kum 20 tang thawngtlak pawl cu thenli/thenkhat tiang thumsak an si ding thu pawl a tel. Cui thupeknak cu 2, January 2012 tiangih thawngtlak pawlih hrang tiang a tel cih ti a si.
Yangon ihsin thawngtlak mipa (804) le minu (130) an luat ih Thayawati thawnginn ihsin thawngtlak mipum (89) an luat nan Political thawngtlak pakhat hman an tel lo ti a si.
Kum 65 ciar dantat a tuartu Min Ko Naing, Ko Ko Gyi, Ko Mya Aye, Ko Jemmy le Ma Nilar Thein pawl telin 88 tlawngta hotu pawl le kum 93 dantat a tuartu tlangparmi hruaitu U Khun Tun Oo te pawl cu an tel hrih lo ding tiah an zum.
 Kawlram misenpi cozah an kai hnu-ah a voi thumnak tiang luatnak an pek zo ih, luatnak pek ti a si ko nan thawngtlak kum, thumsak fangfang lawng a si ruangah Luatnak Peknak timi thulu thawn a milaw lo a si tiah a fakseltu an um hnuaihni. A thlengawk reromi ramthukhel dinhmun ruangah mitampi: 88 tlawngta hotu pawl, tlangparmi hotu pawl le a dang ramthukhel thawngtlak pawl luatnak an ngah ding a si tiah an ruahsan celcel nan ti a si.
Mizan ih a puansuahmi luatnak sungah ramthukhel thawngtlak mipum (30) lenglo lawng an tel ve ruangah thawngtlak innsang pawl le ramthukhel pawlkom tampi cu an bei a dong cuahco tiah an rel celcel.
MRTV News from Chin World Media on Vimeo.
...........................................................................................................................................................................................................................................................................
| 
