|
Kawlram Acozah in Thawngtla Mipum 651 Suahbet Ding
January 12, 2012
Kawlram acozah cun rampi huap thawnginn tampi sungih thawngtla mipum (651) luatnak pekbet an si ding a si tiah acozah TV ihsin tuisun tlawngkai ni (4) thuthannak ah a phuang ti a si ih, ramthukhel thawngtla (asl) zumnak thawngtla (Prisoners of Conscience) mipum zianghmuah an tel ding ti cu theihfel hrih lo a si. Cui thuthannak ahcun thaisun tlawngkai ni (5) ah luatnak pek an si ding ti a si.
Culawng si loin, luatnak pek dingih thuthan sungih mipum 651 pawl hi ramthukhel thawngtla an si ding a si tiah Department of Prison ih tuanvo neitu upa pakhat in a sim. Ramthukhel thawngtla hlun pakhat cun mipum 659 luatnak pek dingin cozah hnenah dilngen a si ih, cumi sung ihsin mipum 651 luatnak ngah dingin kan ruahsan tiah a sim.
“Zumnak thawngtla mipum tampi an tel ding ti’n ruahsannak ka nei a si” tiah NLD thuphuangtu Pu Nyan Win khal cun a sim.
Tui tum hi acozah ih pekmi thawngtla luatnak (Amnesty) a voi linak a si dingih a voi thumnak tiangah thawngtla mipum zaten 20,000 luatnak pek an si zo ih, ramthukhel thawngtla cu mipum 347 lawng an tel ti a si.
Tui tum ih luatnak ngahtu pawl lakah Min Ko Naing, Ko Ko Gyi, U Khun Tun Oo le Ma Nilar Thein pawl an tel dingah an rel celcel ti a si.
Amnesty News from Chin World Media on Vimeo.
..........................................................................................................................................................................................................................................................................
| 
