Zomi Siamsin Kipawlna In Rampi Lungrual Saalnak le Thawngtlak Pawl Suah Ding in Ngeen
Chin World Media
November 28, 2011
Burma ram sung ih University le College tampi kom khawm ih Chin Nunphung le Calai tlawngta pawlkom – sub komiti sungtel Tidem – Tonzang kom Sub komiti Zomi Siamsin Kipawlna-Myanmar in A vei (5) nak Tlawngta pawl seminar cu Pyidawta, Kalay Myone ah Nov. 22 – 27 tiang an tuah a si.
Himi a vei (5) nak seminar pi ah hi hmunzakip ih Chin (Zomi) tlawngta 150 luan an tel thei tiah thuthang kan ngah. Himi seminar onnak thusimtu ah Sagaing ramthen hluatdaw ih Kalay myone palai Pu Khai Deih Tluang a si ih thupuan suahnak (pyidawta chingia chiat) khal Nov. 27 ah an thehdarh ti a si.
Thuphuan suahnak pawl :
1. Burma ram sung ih ramthen farahbik a simi Chin State sungah acozah ih harsa mipi bawm le thangso ter ding ih a tumtahmi pawl tluang le rem in a cangsuak theinak dingah bomnak pawl cu mipi pawl kutsung rori a thlen theinak ding le firthup lo in a um theinak ding.
2. Chin ram Tonzang le Cikha ih “Bing” ciinak pawl Chinram acozah ih an khamnak pawl cu an lungawi ih, Chin ram vuangyi Pu Hung Ngai ih mipi pawl hnenah thukamnak a pek ta vek in “bing” ai ih cindingmi le thangso thilri pawl, NGO bomnak pawl a rang theitawk in an tuahsak theinak ding.
3. Burma ram president Thein Sein le Aung San Suu Kyi khat le khat rualremnak an neih zonak parah a thatnak lam in an thil ih, rampi lungrualsaalnak khal acozah in hmaihruai in a tuahnak ding.
4. 2014 ih ASEAN hotu a si thlang dingmi Burma in leitlun ram zate ih zumhngetnak a ngah theinak ding, a thianghlim mi acozah tiah theinak a cotu a si theinak dingah ram that duh ruang ih thawngtlaktu zate’n zalenak pek ding.
5. Democracy ih a rah pawl a simi zalenzet ih fimthiamnak zirnak, tlawngta pawl ih ngah dingmi zalennak pawl, democracy daan le duun thawn kaih aw in a dikmi le a thami rampi cu kilkhawi ding in Zomi Tlawngta Pawlkom in zalennak, Minung covo bangraannak, Lungrualnak pawl cu kaihnget in a neem zawng ih rampi thansonak ding ahle democracy rampi a cak sinsin thei nak dingah a feh pi ding timi thulu (5) pawl cu a a taarlang a si tin Zomi Tlawngta Pawlkom ih an hotu le an sungtuan in Chinworld hnenah a sim a si.
Tutum Seminar ah- (1) Rev,Dr.Do Sian Thang (MRA & Our Primarily Needs), (2) :Pa Sian Cin Zam (Zomi Awake) (3) :Sya.H Sawm Pau (Global Mind Change), (4) :Prof.Kam Za Mung (Kinds Of Intelligence & Problem Solving Skills) (5) :Rev.Tuang Khan Kap (Food Life), (6) :Poverty Reduction timi paper/analysis pawl simnak le cumi parah ruahnak relkhawmnak tla an nei tin Chin World Media hnenah an sim.
Himi Zomi Tlawngta Pawlkom hi 2006 ah a veikhatnak seminar an rak tuah ih 2007 siar lo cu kumtin an tuah suak ringring thei a si ih 2011 ahcu a vei 5 nak a kim thlang a si. Himi seminar ih an thutlang taarmi cu “TANRUAL CU CAHNAK” timi a si.
>>>> To Burmese Version
