|
UNHCR LE CHIN HRUAITU PAWL TONGAW
Run Sum Sin (New Delhi)
Chin World
November 25, 2011
 UNHCR LE CHIN hruaitu pawlih final biakawknak cu 24/11/2011 sun zinglam 10:30 in zanlam nazi 2:00 tiang Vikas Puri ih SLIC office ah neih a si.
Hi biakawknak ah Education le Employment thulu pawl reltlang a si. Hi biakawknak ah UNHCR lam in Chief Of Mission le Ipsha pawl an ra ih Chin hruaitu lakin upa pathum le CRC Coordinator pawl an tel.CRC in YMCA parih lungawilo langter(Boycott)nak a neih ruangih hiti tongaw ih thurel tlang rero nak si.
 Chief of Mission cun "Mipi lungawinak ding hrang ah thilthar tampi tuahsak in tum thu le tuahsak in tummi pawl tla a sim" tiah meeting nakih teltu cun a sim. UNHCR ih a neihmi partner pawl in mipi covo tampi in laksakmi pawl tla hawlsuk tlang vivo dingah le eiruk thu ah evidence felfai te a um ah cun kaih an si ding thu pawl tla Chief of mission cun a sim.
Govertment tlawngkai lo hrimhrim cun YMCA tlawng kaisian a si nawn lo ding thu khal a sim bet.
Tuitum biakawknak hin thiltha tampi suahpimi a nei nan buainak hi cem ni a nei lo ding a bang tiah meeting ih teltu pawl cun an thlaphan thu an sim .Tuisun 25/11/2011 khalah SLIC office ah UNHCR lam in Depiuty Chief of Mission le Chin hruaitu pawl cu Health, Protection le women issues thulu pawl reltlang rerto lai a si.
......................................................................................................................................................................................
| 
