Tedim Khua Kiang Lam –Zan Khua ah Mawtaw Cangsual
Chin World Media
December 18, 2011
December (17) le (18) karlak timzan laifang hrawngah Indo-Burma No.2 Road lamzin parah mawtaw cangsual a um tiah thuthang kan thei.
Mawtaw cangsualnak hmun cu Tedim khua kawtka, Lam-Zan khua ah a si ih, Tedim khua thawn a naiaw te. Mawtaw cu Kalay-Tedim-Rihkhawdar khualtlawng Jeep mawtaw a si.
Cui mawtaw cangsualnak ah kum (25) tluk upa mawtaw thluntu pakhat a thi ti a si ih, a hmin cu Lian Daih Khai, a nu le naule pawl zohkhentu a si tiah kan thei.
Mawtaw khaltu (mawngtu) cu Tedim Police Station ah an kai zo ti a si.
.......................................................................................................................................................................................
