Thawngtla Pawl Suah Ding Thuhla Thura Oo Shwe Man In Sim
December 10, 2011
Pyituh Hluatdaw Hotu Thura Oo Shwe Man in a rei hlan ih India a tlawnnak ding thuhla, Kawlram le Tuluk ram pehtlaiawknak le tlawngta pawl thuhla simfiangnak a nei.
Yangon, Tuhwana tower ih pyituh hluatdaw daan le duun zohfelnak le thildang pawl hliakhlaitu ding zung then (zung khuai) onnak ah Thura Oo Shwe Man in, " Zumnak ruang ih thlawngtlak ti tongfang pawl elaw rero ding asilo ih ramthatnak ding hrangah hnatuantu ding pawl suak thei ding in kan tawlrel rero a si", tiah a ti.
Dec. 11 (Thaisun) ah Hluat Daw pawl India a tlawngtu ding pawl cun hluatdaw le acozah le India ram ih ukawk daan pawl hliakhlai dingah an feh ding tiah khal Thura Oo Shwe Man in a sim a telbet. Cutawk in thusimnak an neihnak ah Tuluk ram aiawh in Kawlram ah a umtu khal in laksawng thennak a nei ti a si.
Kawlram le Tuluk pehtlaihawknak ah America le Kawlram pehtlaihnak a that hlan sungah Tuluk nih nasa tak in Kawlram a bawm ruangah tuvek dinhmun tiang a thleng theinak a si ih a tu ah America le Kawlram pehtlaihnak a tha vivo vek in Tuluk le Kawlram pehtlaihnak khal sangsin ah khai ding a si tiah a sim bet.
