Suu Kyi In Nobel Peace Prize Ngahnak Kum 20 Kim
December 10, 2011
Pi Aung San Suu Kyi in leitlun remdaihnak Nobel peace prize a ngahnak kum 20 kimnak puaipi cu Yangon, Kyihmindain, Natsin Lamzin, Tadoh Padihyatih satintaih ah an tuah.
Cumi puai ih a ra suaktu mipi pawl hnenah Pi Aung San Suu Kyi in remdaihnak timi ih a suullam simfiangnak a nei. Remdaihnak timi cu tihphan um lomi nunak le himzet in um theimi nunak ti a si tiah khal a sim fiang bet.
Himi puaipi ahhi minung 2000 luan an ra tel thei ih NLD, Ramkhel pawlkom pawl, 88 tlawngta hotu pawl an tel thei tiah tlawngta pawlkom ih KoKoLat in a sim. Cuhleiah ramkhel ruangih thawnginn sung ih a tanglaitu pawl an luat theinak ding le ramsungah daihnak a thlen theinak ding ah kutzungnamnak an nei bet ti a si. Tusun hi Leitlun Minung Covo NI 63 nak khal a si ruangah rualremnak Laileng vate zuk pawl thawn pulpit an ceimaw tiah Kokolat ina sim bet.
Source:BBC Burmese
