Kawlram lailak hrilawknak nikhiah fel zo
December 30, 2011
Kawlram lailak hrilawknak cu hmai kum April ni (1), 2012 ah tuah dingin relfel a si zo tiah a hmin sim lang duh lotu cozah tuanvo neitu pakhat in December 30, 2011(tlawngkai ni (5)) ah a sim ti a si.
Kan dung zarh ih party register tuah zotu, Pi Suu Kyi le NLD party khalin hrilawknak lut ve dingin timtuahnak an nei rero zo ih Hlutdaw ah dinhmun an cuh thei ve thlang ding a si.
Kum 66 a upami Pi Suu Kyi cu kan dung kum sawmbi pahnih (2 decades) sung lai, innsung kharhkhum thawngthlak a tuar hnu kum 2010, November thla ah an suahsal ih hrilawknak Dan an remthat hnu lawngah hrilawknak ih zuam ve dingin thurelcatnak an rak nei.
Lailak hrilawknak ih a tel ve duhtu cun January 16 ihsin 31 tiang register an tuah thei lai ti a si ih, rampi huap in hmun lawng zate kom 48 a um nan, kan Chinram ah hmun lawng pakhat hman a um lo a si tiah thuthang kan thei.
