|
Delhi Ah Nupa Bike in Khawng
Salai KC Sum
Chin World Media
December 29, 2011
Mizan 28/12/2011 zanlam nazi panga hrawng ah Uttam Nagar,New Delhi Bus Stand kiangah kawlrammi Chin nupa cu zo ti theihlo Bike in a pah ih a rang theibik in DDU Hospital ah luhpi a si. Buainak an tondan cu hitin a si.
Sita Puri veng ih um Nu Tawk Nei Thluai le a pasal cu Budella vengah si an va laknak in an ra tlung ih Uttam Nagar Bus Stand an lan ciah ah an mai side ih ra tlan Bike cun ken theihlo in a ra su.Nu Tawk Nei Thluai (Apa Hrin Thang-Hrangsawn Khawsuak) cu a umnak ah tlu in a din khal a ding thei nawn lo.An buailai hmutu Salai Sangpi le rualpi pawl cun a rang thei bikin DDU Hospital lam ah an fehpi cih.Thuhla an theih veten Falam Union hruaitu pawl khal DDUI lam pan in an tlan cih.X-ray an lak ih ruh kiak zianghman a um lo ti a si.
Zinglam nazi 2:00 ah Innlam pan in tlunpi a si. Asinan tutiang khal ah totheilo in an innsang ah cun a um.Tuisun 29/12/2011 ah SLIC Office lam ah a thuhla theihter a si.Tutiangah cun UNHCR lam in ziang bomnak hman an ngahhrihlo thu don a si tlunah ngaisak lo dinhmun ah a um hrih a si.A ih theilo dan le a umdan zohdan ah a zaangruh cu a kiaklo ti a si nan nasa zet in a sunglam a siatsuahawk zum a si. Vaipawl hin Chinmi pawl hi thaten X-Ray an tuahsak dahlo ruangah ruh zianghman a kiaklo an timi khal zum a umtuk lo tiah a mah kiltu cun a sim bet.
.....................................................................................................................................................................................
| 
