|
Chin Biazai siarnak USA ah
Chin World Media
December 11, 2011
 December snow lakah USA, Indianapolis ih Chin fahniang pawl in biazai siarnak cu December 10, 2011 ah an neih thu palai hnen ihsin thu theih a si.
Pu Van Tuah Piang (The Chin Times thuron upa) in caan hramthok thlacamnak a nei ih hlasak thiam Racheal Ngun Hniang Par khal in ramduhdawtnak hla mawi zet thawn hlasaknak a nei.
Biazai ngan thiam 11 pawl ih biazai siarnak tikcu can cu nazi pathum sung siar a si. Biazai siar lawng si loin awnmawi thawn Chinmi thang phawktu Salai Tuan Ling Thang hnen ihsin hla kan ngan tik ih theih tul mi le hla ngandan pawl sim fiangnak a nei. Rev Hre Mang in mino forhfialnak le a mah rori ih nganmi biazai siarnak a nei ve. Salai Lai Lung Lian hnen ihsin miusic paper timtuahnak khal neih a si.
Chin biazai siar hi Chin mi lakah a um dah tuk hrih lo. USA ahcun tu hi a tum khatnak a si. Himi biazai siarnakah mino 30 lenglo an ra suak khawm. "Tu ni biazai siarnak ih ka um cu ka van tha tuk, simfiang thei lomi ruahnak(feeling) in neih ter" tiah mino pakhat cun a sim. "Dam manah hi vek tikcu can tla kan rak thleng thei ve, a man hla curco"tiah a sim bet.
Biazai ngantu pawl cu Salai Mitthli, Canbary pa (Ngun Sui Lian), December Rian (Pa Lar), Zuunphir, Justin Sang Hrin Thang, Salai Ayete, Cung Ngai, Rev. Mike Zung Ceu, Cung Luai Hnin (Takawh), Mai Sokhhlei Par, Bingbi Par pawl an si.
Chin Biazai siarnak puai cangsuak ding ih tawlreltu cu Salai Mitthli (Editor, The Chin Times Journal), Ngun Sui Lian le Zuunphir an si ih USA ih thuthangca suah thar mi The Chin Times thuthangca in sponsor a pek thu theih a si.
....................................................................................................................................................................................................................................................
| 
